پادشاهی مسجد پاکستان نینگ پنجاب ولایتی لاهور شهریده یېرلشگن تاریخی مسجد بۉلیب مسجد 1671 میلادی ییلی سلطان اورنگزیب بویروغی بیلن قوریلیشگه باشله نگن و 1673 میلادی ییلده توگه دی. مسجد دنیاده بویوکلیکده بېشینچی و جنوبی آسیاده ایککینچی اۉرین دی توتیب، بابریلر دوری نینگ عظمتی نی و کوچینی اوزیده عکس اېتگن. مسجدنینگ اساسی عبادت خانه سیده 5مینگ کیشی، و حیاتیده اېسه 95مینگ کیشیگه چه عبادت قیلیش جای قوریلگن. بو مسجد 1673 میلادی ییل دن 1986 میلادی ییلگه چه (313 ییل له ب) دنیاده اېنگ بویوک مسجد بۉلیب اۉتگن. مسجد نینگ 13.9 متر بویی و 4 مناره سی بار. 1993نچی ییلده پادشاهی مسجد یونسکو تامانیدن فرهنگی میراث دېب ثبت اېتیلدی.

پادشاهی مسجدنینگ معماری اصلوبی و دیزاینی هندوستاننینگ دهلی شهریده جایلشگن جامع مسجدیگه اۉخشی دی. اونینگ دیزاینیده اسلامی، اۉرته آسیا و هندوستانینگ معماری اصلوبلرینی کۉریشینگیز ممکن.

سید محمّد بهاوالدین ابن سید جلال الدین 1318 ییلده بخارا یانیده گی قصری عارفان قشلاغیده توغیلگن. نقشبند یاشلیگیدناق تصوف یۉلیگه کیرگن، اونینگ سیرلرینی اۉرگنگن. قرآن کریم، تفسیر و حدیثلرنی پخته اېگلله گن. او دهقانچیلی بیلن شغلله نیب، کېینچه لیک تېمیر و مس بویوملرگه تورلی نقشلر بیتگن. شو سببلی او کیشی نینگ "نقشبند بۉلگن.

بهاوالدین نقشبند عبدالخالق غیجدووانی نې اۉزیگه پیر و استاد دېب بیلیب، اونینگ تعلیماتی نی رواج لنتیرگن. نقشبندی تصوف نظریه سی و عملیاتیگه دایر 13ته اثر یازگن. اولر آره سیده "حیاتنامه"، "دلیل عاشقان" و "آداب السالکین" کبی اثرلر علایحده اهمیتگه اېگه.  خوجه بهاوالدین "نقشبندیه" طریقه تیگه اساس سالیب، عربستان، ایران، اۉرته آسیانینگ کۉپ شهرلریده تصوفنی کېنگ ترغیب قیلگن.

نقشبندی لیک نینگ اساسی ماهیتی "قۉل ایشده و الله دلده" دېگن شیارده اۉز افاده سینی تاپگن. بهاوالدین کرامتلی انسان بۉلگنلیگی اوچون اونگه "بلاگردان" دېب نام بېریشگن. امیر تېمور، علیشېر نوایی، جامی، مختومقلی و باشقه اولوغ ذاتلر نقشبندیه یۉلینی تنله گنلر. خوجه بهاوالدین نقشبند 1389 ییلده اۉز قشلاغیده وفات اېتگن.

فطرت بو اثرلرنی یـیغلب، هَـیقـیریب یازگن ایدی، ضیالی لر هم اونی یـیغلب، حُرّیت اوچون کورَشیش حقـیده قسم یاد قیلیب اۉقـیگـنلر. معلوم بۉلیشیچه، فطرت 1918 ییلده یازگن« یورت قیغوسی» ناملی تۉرتـته شعریدن تـشقَری، 1920 ییلده هم شو ناملی ینه بیر ساچمه نی یازگن ایکن. بو فطرت نینگ «تینگیز» تخلصی بیلن یازیلگن اثری بۉلیب، «بخارا اخباری» گزیته سینینگ 1920- ییل 5-آکتبر  سانیده باسیلگن و یقینده ادبیات شناس سراج الدین احمد تامانیدن مطبوعاتده اعلان قیلیندی. اثرده بخارا امیری تختـدن اغـدریلگـندن کیـینگی تاریخی دور منظره لری تصویرلـنه دی. بو شعرنینگ تاپـیلیشی فطرت نینگ تورکیستان مختاریت حکومتی شفـقـتـسیز رَویشده تار-مار ایتیلگندن کیین هم ایرک و حریت اوچون فعال کورَش آلیب بارگـنیدن دَرَک بیره دی.

احمد الفرغانی

جهان علم – فن رواجیگه اولکن حصه قۉشگن ینه بیر بویوک بابامیز احمد الفرغانی 176 قویاش هجری ( 797 میلادی) یـیلده فرغانه نینگ قووه شهریده توغیلگن. او یاشلیگیده علم- فن اساسلرینی چوقور اۉرگندی. اۉز علمینی ینه ده چوقورله شتیـریش مقصدیده اۉرته آسیانینگ اۉشه دورده گی اېنگ یـیریک علم- فن مرکـزی مـرو شهریگه کېله دی. 198 قویاش هجری (819 میلادی) یـیلـدن باشله ب بغداد شهریده گی " بیت الحکمة " ده نجوم، ریاضی و جغرافیا کبـی فنلـر ساحه سیده ایجاد قیله دی ( اثر یازه دی). اونینگ نامینی مشهور قیلیب یوبارگن " نجوم اساسلری حقیده کتاب" اثری 12 اینچی میلادی عصر (قرن) ده اوروپاده لاتین تیلیگه ترجمه قیلینه دی. بو اثر احمد الفرغانی نی اوروپا ده " Alfraganus" نامی بیلن مشهور قیلیب یوبارگن. عین پَـیـتده (زمانده) اثرنینگ اۉزی اوروپا مملکتلـری عالی اۉقو یورتلـری ده بیر نېچه عصر دوامیده درسلیک صفتیده اۉقیتیلگن.

علامه نینگ نجوم فـنیده گی بویوک خـزمتلری اوچون اوروپالیکـلر 16 اینچی عصرده آی ده گی کره تیر(حفره) لردن بیریگه اونینگ نامینی بیریشگن.

احمد الفرغانی اۉز دوری نینگ مشهور اختراعچیسی هم بۉلگن. چنانچی، 240 قویاش هجری ( 861 میلادی) یـیلده او مصرگه کیلیب نیل دریاسی سوی نینگ سطحینی اۉلچَـوچی قورولمه (ساختمان) یره تگن. مصرلیکلرگه بوندی قورولمه جوده ضرور ایدی. چونکه اولر اوچون نیل دریاسی نینگ سوی قچان تاشیشینی انیق بیلیش حیات – ممات مسأله سی بۉلگن. زیرا، دهقانچیلیک نینگ قندی نتیجه بېریشی عیناً شونگه باغلیک بۉلگن. جهان علم- فنی ترقیاتیگه اولکن حصه قوشگن بویوک بابامیز 244 قویاش هجری (865 میلادی) یـیلده مصرده وفات ایتگن.            

تفتازانی (تۉلیق اسمی محمد ابن عمر سعدالدین التفتازانی) (1332 میلادی، نسا یانیده گی تفتزان قشلاغیده توغیلگن و 1392-12-8 میلادی سمرقنده وفات اېتگن)- قاموسی عالم. تفتازانی قریب 30 ییل دوامیده هرات و ماورالنهر تورلی شهرلریده گی مدرسه لرده فلسفه و منطقدن دیر بېرگن. سۉنگره امیر تېمور دعوتیگه بناءً سمرقندگه کېلیب، سراییده خذمت قیلگن و عمری نینگ آخریگه چه شو سرایده یشه ب ایجاد بیلن شغل لنگن. تفتازانی نینگ نظری میراثی اۉرته عصرلر فننی نینگ برچه ساحه لرینی اۉز ایچیگه آلگن بۉلیب، قرآن تفسیری دن باشقه اثرلری عرب تیلیده یازیلگن. بو اثرلردن 14-16 عصرنینگ 2 یریمیگه چه ماورالنهر و اونینگ اطرافیده گی مدرسه لرده اۉقو قوللنمه سی صفتیده فایده لنیلگن. منطق، حقوق، ریاضیات، نجومگه دایر اثرلر یازگن. بیزگه چه "شرح العقاید) (ابوحفص نفسی نینگ "عقایدالنفسی" اثریگه شرح)، "تهذیب المنطق و الکلام" (منطق و کلامگه صیقل بېریش)، "السّعدیه" (13-عصر آخیری و 14-عصر بیرینچی یریمیده بیرینچی یشه گن کاتبی نینگ منطقگه عاید "الشمسیه" رساله سیگه یازیلگن شرح)، "المطول" (نطق صنعتیگه عاید "کېنگ تلقین")، "مختصرالمعانی" (بدیع گه عاید "قیسقه چه معنالر)، "الرشاد الهادی" (عرب تیلی گرامریگه عاید "یۉل باشلوچی رهبر")، "مقاصد الطالبین" (فلسفه و کلامگه عاید "طالب علم لرنینگ مقصدلری")، "رساله فی الزوایه المثلث" ("اوچ برچک نینگ برچک لری حثیده رساله") کبی اثرلر یېتیب کيلگن. تفتازانی اۉزیدن آلدین اۉتگن متفکرلرنینگ اثرلریگه تورلی شرحلر یازگن. جمله دن نی صبوری نینگ "حساب حقیده قویاشی رساله" اثر یگه 2ته شرح یازگن: بیرینچی سی- "قویاش رساله" (1389 میلادی) و ایککینچی سی- "اوچ برچک برچکلری حقیده رساله" بۉلیب، بیرینچی سی نینگ هندسی قسمینی شرح له ی دی.

بویوك شاعر حكیم جمال الدین ابو محمد الیاس بن یوسف بن زكی بن مؤید نظامی گنجه ‌یی، هجری قمری آلتینچی عصرده یشب اۉتگن. او تخمین هجری قمری 530 ییلیده آذربایجان نینگ گنجه شهریده توغیلیب وایه ‌گه یېتدی و بوتون عمری بۉیی اۉشه یېرده یشب ایجاد قیلدی. نظامی شعریتده خمسه‌ چیلیكنی باشلب بېرگن بویوك سۉز استادی سنه ‌له ‌دی.

هرچند ایریم تحقیقاتچیلر اونی فارس یا كه كُرد دېب تانیتیشده اورینگن بۉلسه ‌لرده، بیراق اصلیده او تورك بۉلگن. چنانكه او، اۉز زمانیده آنه تیلی بۉلمیش توركی گه اعتبار بېریلمه‌گنیدن شونده ‌ی شكایت قیلگن اېدی:

توركی ام را در این حبش نخرند

لاجرم دوغبای خوش نخورند

ماه لر آیم  نادره  یوسک بدیعی استعداد  صاحیبه سی ، دلکش ، صمیمی ، معرفت پرور اوزبیک اعیالی دیر .او اویسی ، محزونه ، دلشاد برنا ، عنبر آتین  کبی اوزبیک ممتاز شاعره لری صفی نینگ  سرداری بولگن .شاعره  1792 ییلی اندیجان حاکمی رحمان قلی بیی عایله سیده توغیلدی . اوتکر ذهنلی  ماه لر آیم  آتین آیی قولیده  تعلیم آلدی ، خصوصی  مطالعه بیلن شغل لندی . شرق ممتاز ادبیاتینی جدی  اورگندی ، شعرلر مشق قیلیب ، یاشلیگیده یاق شاعره  صفتیده تنیلدی . 

ابو  عبدالله محمد ابن  موسی  780 ییلده خیوه ده توغیلگن . خوارزمی دنیاگه  مشهور ریاضیدان  و منجم صفتیده  تنیلگن . اونینگ نامی  تاریخده  قالدیرگن  بیوک  اثر  "الجبر والمقابله " رساله سیدیر .عالم  850 ییلده  بغداد شهریده وفات  یتگن .
الخوارزمی  مأمون اکادمیه سینینگ  إیلیک  تشکیلاتچیلریدن  و ینگ فعال  اعضالریدن  بیری یدی.
او  الفرغانی  بیلن  بغداد ده  رصدخانه قوریشگه  باشچیلیک قیلدی . رصدخانه ده گی  اسبابلر  یاردمیده  کاءنات سیرلرینی  و یر  کره سینی  اؤرگندی . الخوارزمی  و الفارابی  باشچیلیگیده گی  عالملر   1000 دن  آرتیق  یولدوزلرنی  تیکشیردیلر  همده  اولرنینگ جایلنیش  خریطه سینی  توزدیلر . یر  کره سینینگ أیلهنه  اوزونلیگینی  انیقله دیلر .

اسمی محمود  آته سی نینگ اسمی حسین محمّد اؤغلی  1008-إینچی میلادی، 380-إینچی هجریده ،  حاضرگی قیرغیزستانگه تیگیشلی ایسق کؤل یقینیده گی بارسغان  شهریده، ایریم منبعلرگه کؤره کاشغر نینگ  جنوب غربیده گی اوپَل قیشلاغی نینگ اؤزیغ محلله سیده توغیلگن. باشقه منبعلرده محمود کاشغری نینگ تؤلیق اسمی  شمس الدین محمّد ابن الحسین شکلیده کیلتیریلگن. کیلیب چیقیشی جهتیدن کاشغری قاره خانیلر سلاله سیگه منسوب،آته سی حسین اؤشه دورده گی بارسغان شهری نینگ امیری بؤلگن. کاشغری آنه تاماندن بیبیسی  خواجه سیف الدین بزرگگه بار باریب توته شه دی .

تاج محل- هندوستانده گی بابریلر سلاله سی دوریگه عاید معماری یادگارلیک (1631-1652). آگرا شهری جمنه دریاسی بۉییده شاه جهان سویوکلی خاتینی ارجمندگه (ممتاز محل بېگم)  اَته ب وفاتیدن (1631-7 [جولای) سۉنگ قوردیرگن. کېینچه لیک اۉزی هم شو یېرگه دفن قیلینگن.

مقبره ترک معماری محمد عیسی خان افندی باشچی لیگیده بنیاد اېتیلگن. تاج محل مربع طرحلی، 3 قَوَتلی، 5 گومبزلی. مرمر سوپه (104*104*7) اوستیگه قوریلگن. 4 بورچه گیده گی اینگیچکه مناره لر (بلندلیگی 45 متر) مقبره گه اۉزگه چه حسن بغشله گن. دیوارلری آق مرمر بیلن قاپلنگن، تورلی رنگده گی قیمت بها تاشلر (هقیق، مروارید، صدف، قهربا، زمرد، یاقوت، فیل سویه گی و باشقه.)دن قده مه نقشلر ایشلنگن. باش طرزی (یېنی 56,7 متر) پيشتاق رواکلی. مقبره نینگ آلد تامانیگه 2 قطار درختلر اکېیلگن، فواره لی حوض، گلزارلش تیریلگن اوزون یۉلکه بار. زینه پایلر بیلن مرمر سوپه گه چیقیب، اۉیمه نقش اېشیکدن مقبره گه کیریله دی. اۉرته ده گی کتته گمبزلی خانه ده قاره مرمرلی سغنه قوییلگن. تاج محل نینگ بی قیاس حسنی باغ نینگ جنوب دروازه سی آرقه لی کۉزگه یقّال تشله نه دی. محابتلی بنا قوریلیشیده نه فقط هندوستان، بلکه اۉرته آسیا، ایران، ویزانت معمارلری نینگ اۉزیگه خاص اصلوبلری اۉز افاده سینی تاپگن. مقبره قوریلیشی ده غشت تېروچی قندهارلیک محمد حنیف، ملتان لیک محمد سعید، مناره ده محلی اوسته اسماعیل خان رومی، سمرقندلیک محمد شریف، لاهورلک کاظم خانلر غمده کۉپگینه نقاش و خطاطلر قطاریده بخارالیک آته محمد و شکور نقاشلر قتنه شگن.

میرزاعبدالقادربیدل-تینگگی یؤق شاعر،متفککر و جمعیت شناس عالم،اؤزیگه خاص فیلسوفانه قره شلر صاحبی بؤلگن انسان دیر.اصلی شهرسبزنینگ برلاس اوروغیدن بؤلگن شاعرنینگ آته – بابالری هندوستانگه کؤچیب باریب، اؤشه یرده تورغون یشب قالیشگن. هندوستاننینگ عظیم آباد شهری یقینیده گی پتنه ده 1644 إیلده حربی خذمتچی عایله سیده تولد تاپگن بیدل 1720 إیلنینگ 5 دسمبریده دهلیده وفات یتهدی.

 هوشنگ قویاش پیگیر: تیارله گن کیش

اوزبـیـک خـلـقـی، مـیـنـگ یـیـل لـه ب تـاریـخـیـده اوز عـرف و عـادت لـریـنی گـیـنـگـه یـتـیـریـب، کـتـتـه بـایـلـیـک گـه ایـگـه بـولـگـن. اولـوســمـیـز، بـولـگـه ده گـی خـلـق لـر بـیـلـن قـایـنـه شــیـب، اوز بـای کـلـتـوریـنـی بـاشــقـه لـرگـه هـم ســوغـه بـیـرگـن. چـیـگـره ده گـی کـلـتـورلـرنـیـنـگ تـاثـیـری آســتـیـگـه هـم قـالـگـن. عـرف و عـادت لـریـمـیـز تـوغـریـســـیـده کـتـابـلـر یـاز ســـَک بـیـلـه آز. بـای خـلـقـمـیـزنـیـنـگ بـای بـارلـیـک لـریـنـی قـیـســـقـه بـیـربـیـچـیـمـده تـولـیـق بـیـرشـــکـلـده بـیـان قـیـلـیـش امـکــانـســــیـز.

علی قوشچی (تخلصی; اصل اسم شریفی مولانا علاوالدین علی ابن محمد قوشچی سمرقندی) (1403 سمرقند-1474 استانبول) فلکیات شناس و ریاضیاتچی عالم، اولوغ بېک علمی مکتبی نینگ اَتاقلی نماینده لری دن بیری، اونینگ یقین شاگردی. امیرتیمور قرارگاهی نینگ باشلیغی نینگ اۉغلی. اولوغ بېک سرایی ده قرچیغه ی لر باغگنی اوچون اونی "قوشچی" دېیشگن. علی قوشچی باشلنغیچ معلوماتنی سمرقندده آله دی. اۉز معلوماتینی آشیریش اوچون 1414 ایران نینگ کرمان شهریگه باره دی و او یېرده گی مدرسه ده 3 ییل تعلیم آله دی، اینیقسه طبیعی فن لرنی خصوصاً فلکیات، ریاضیاتنی پخته اۉرگه نه دی، 1417 ییل سمرقندگه قیته دی. بو وقتده سمرقنده ده اولوغ بېک مدرسه سی قوریله یاتگن اېدی. علی قوشچی شو مدرسه ده هم تعلیم آلیشنی دوام اېتیره دی. قاضی زاده رومی و غیاث الدین کاشی لردن علم سیرلرینی اۉرگه نه دی. مدرسه نی بیتیرگچ شو یېرده فلکیات و ریاضیاتدن مشغولاتلر آلیب باره دی، علمی ایشلر بیلن مشغول بۉله دی. اولوغ بېک رصدخانه سینی قوریش ایشلریده هم فعال قتنه شه دی. شو دورده "حساب رساله سی" و "نجوم" رساله سی اثرلرینی یازه دی و علم اهلی آره سیده کتّه آبرو قازانه دی. 1428 ییلده اولوغ بېک رصدخانه سی ایشگه توشوریلگچ، بو یېرده اولوغ بېک رهبرلیگی ده کوزه تولر آلیب باره دی.  رساله لر یازیشده دوام اېته دی. اولوغ بېک نینگ "زیج جدید کۉره گانی" اثری یازیلیشده علی قوشچی نینگ هم حصه سی کتته.  1438 ییلده اولوغ بېک علی قوشچی نی ختای سلطنیتیگه اېلچی قیلیب یوباره دی، او ختای دن قیتیب کېلگچ، "ریاضیات و نجومی جغرافیه" اثرینی یازه دی.

میرزا اولوغ بېک دوریده سمرقند و بوتون ماورالنهرده طبیعی فنلر برابریده بدیعی ادبیات هم یوکسک درجه‌ده ترقی اېتگن. منبعلرده اولوغ بېک‌نینگ ادیبلر همده بدیعی ادبیات گه مناسبتی حقیده مهم معلوماتلر موجود. علیشیر نوایی‌نینگ «مجالس النفایس» فخری هروی‌نینگ «روضة‌السلاطین» و ابوطاهر خواجه‌نینگ «سمریه» اثرلریده اولوغ‌بېک کۉپراق استرانومیه (فلکیات‌شناسلیک) علمی بیلن شغللنسه‌ده گاهیده نظم گه میل قیلگنی تأکیدله‌نیب، اونینگ قلمی‌گه منسوب قوییده‌گی فارسی بیت کېلتیریله‌دی:

هر چند مُلک حسن به زیر نگین توست

شوخی مکن که چشم بدان در کمین توست

مضمونی:

گۉزه‌ل‌لیک مُلکی هر چند قۉل آستینگده بۉلسه‌ده

شۉخلیق قیلمه‌گیل که یامانلرنینگ کۉزی سېنگه تیکیلگن

^{فرغانه نینگ سولم  مرغیلان شهری گه قرشلی رِشتان قیشلاغیده 7 عصر باشلری، 511 هجری ییلی رجب آیی نینگ سککیزینچی کونی (میلادی 1123- 23 سپتمبر) عصر نمازیدن کیین اوشه دورنینگ بویوک فقیه لریدن بولمیش ابوبکر بن الخلیل عایله سیده ساغلام  بیر کودک دنیاگه کیلدی. اونگه علی دیب اسم بیردیلر. علی بن ابوبکر باله لیگیدن آق اوزیگه خاص خصلتلری بیلن عایله اعضالری مهرینی قازاندی. توغمه قابلیّت، طبیعی لیاقت، سیزگیر روح، توشونیش و انگلشده گی زیرکلیک باله نینگ هر بیر حرکتیده  کؤز گه تشلنردی.}

نوایی نی تنیمه غان بیر اۉزبېک بۉلمسه کېرک. اېسکی لریمیز و اېسکی مکتب لریمیز غزللری بیلن ینگی لریمیز و ینگی مکتب لریمیز صورتلری و شخصیتی بیلن تنیش دیرلر. نوایی 844 حجری ده توغیلیب، 906 ده دنیادن اۉتکن بویوک تورک ادیبی دیر. اونینگ اوتتیزدن آرتیق اثرلری بار. مشهورلری: تورت دیوان-غزللری، بیش مثنوی سی، «محاکمة اللغتین»، «مجالس النفایس»، «لسان الطیر»، «تاریخی عجم»، «میزان الاوزان»، «محبوب القلوب»، «عقاید منظومه»، «رساله معما» دیر. نوایی تورک تیلی نی و چغتای ادبیاتی دېگن بیر ادبی مکتب نینگ بو کونگه چه یشه ماغیغه سبب بولغان بیر کیشی دیر. شونینگ اوچون اونی تنیماق، اونی تقدیر اېتماق بوتون تورکلر اوچون بیر وظیفه دیر. منه شو حالنی نظرگه آلیب، بوکون تورک دنیاسی نینگ هر اېریده- ترکیه ده، آذربایجانده، اۉزبېکستانده، و بیزده (افغانستانده) اونی اېسلب ییللیق تویینی اوتکزماق ایسته ی دیرلر. تورک عالملری بو توغیریده فکرلرینی یازیب اوته دیلر و بونینگ اوچون کتته حاضرلیک قوره دیلر. علیشېر نوایی نینگ توغیلگنی نینگ 573 ییلی مناسبتی یازیلگ اوشبو «نوایی اوچون» یازیلیب چیققن.

کول تیگین قبر تاشی یازووی تورک خاقانلیگی دولتی نینگ اجتماعی- سیاسی حیاتی، قبیله و خلقلرنینگ عرف- عادتلری، تیلی و معلوم درجه ده بدیعی سوز صنعتی بیلن تانیشتیره دی.

اورخون- ینیسی یادگارلیکلری نینگ اهمیتی: اورخون- ینیسی یازویده گی خاطره لر بیشینچی- سکیزینچی عصرلرنینگ جوده قیمتلی یادگارلیکلری دیر. اولر قبر تاشلریگه اوییب یازیلگن تاریخ و مرثیه لردن، تورلی خیل حجت، تمغا، پول و باشقه لردن عبارت. «تون یوکوک»، «اویوک- ارخان»، «بارلیق»، «تووه» و باشقه لرهم کول تیگین و بیلگه قاآن یادگارلیکلری سینگه ری مهم یادگارلیکلر دیر. بولر آلتای دن مغولستانگه قدر چوزیلگن بی پایان منطقه ده یشه گن خلقلر و قبیله لر تمانیدن یره تیلگن. متنلرده قرغیز، اویغور، اوغوز و ینه بیر قنچه خلقلرنینگ، قبیله لرنینگ ناملری تیلگه آلینه دی. آیریم تاریخی شخصلر او یا که بو نژادی قتله م گه منسوب کیشیلر صفتیده مجسم لنه دی. یادگارلیکلرنینگ تیلی بیر- بیریدن بیر مونچه فرق قیله دی. شولر اساسیده آیریم یادگارلیکلرنی حاضرگی معلوم بیر تیل نینگ قدیمگی یادگارلیگی دیب آیتیش ممکن. و. و. رادلوف، ویلهیلم تامسن و س. ی. مالوف ینیسی بوییده گی کوپچیلیک یادگارلیکلرنی قدیمگی قرغیز تیلیگه منسوب دیب حسابله یدیلر. بیراق یادگارلیکلرنینگ همه سینی هم شو طریقه معلوم بیر خلققه منسوب دیب حسابلب بولمه یدی، چونکه بو یادگارلیکلرنی یره تگن خلقلر و قبیله لر اوزاق تاریخی ترقیات دوامیده بیر- بیرلریگه چاتیشیب کیتدیلر، ماوراءالنهرده گی خوارزمی لر، سغدیلر و باشقه کوپگینه خلقلر بیلن اره لشدیلر، تورکی تیللر گروپیده گی تیللرده سوزلشوچی کوپگینه خلقلرنینگ اساسی نژادی بنیادینی تشکیل قیله دیلر، آلتینچی- سکیزینچی عصرلرده ماوراءالنهرده تورکی تیل جوده کینگ یایلدی.

          او

آلتینچی عصرنینگ اورته لریده آلتای، ییتی سوو مرکزی آسیاده گی تورلی قبیله و خلقلر بیرله شیب، تورک خاقانلیگی دیب اته لگن دولت وجودگه کیلدی. بیراق بو دولت مرکز له شگن دولت بولیمی، بلکه اون ته تورک قبیله سی نینگ فیدریشنی ایدی. تورک خاقانلیگیده گی قبیله و خلقلر اجتماعی- اقتصادی ترقیات نینگ تورلی باسقیچیده یشه ر ایدیلر. دهقانچیلیک بیلن شغلله نوچی اوتراق اهالی بیلن بیرگه چارواچی کوچمنچیلر هم جوده کوپ ایدی، اوتراق اهالی پدر شاهی- فیودال باسقیچیده یشه سه، کوچمنچی اهالی اساساً پدر شاهی جامعه توزومی باسقیچیده بولیب، اولرنینگ جامعه سی طبقاتی ضدیتلر چوقورله شووی و تابعلر نینگ کوپه ییب باریشی بیلن استه- سیکین ساده له شیب بارماقده ایدی. دولت باشیده «خاقان» و خاقان زاده لر نینگ کینگاشی «قورولتای» توره ر ایدی، قبیله باشلیقلری «بیگ» ییریک عملدارلر «تگین»، «شادی» و باشقه ناملر بیلن، اهالی «بودون» یا که «قره بودون» نامی بیلن یوریتیلر ایدی، تورک خاقانلیگی، چین، بیزانس و باشقه مملکت لر بیلن سودا- ساتیق علاقه لریده بولگن دولت منطقه سیده یگانه حاکم دین بولیمی، آسمان عبادتی، زردشتی لیک، شامانیزم و باشقه آیین لر همده اولرنینگ سینکریتیک شکلی ترقه لگن ایدی.

 ینیسی دریاسی حوزه سیده گی رون یازوی یادگارلیکلری اون سکیزینچی عصرنینگ باشلریده روس خدمتچیسی ریمیزوف خبری و سونگره سویدن لیک صاحب منصب یاگن ستر لینبیرگ و عالم میسیر شیمیدت اثرلریده گی معلومات آرقه لی علم و فنگه معلوم بولگن ایدی. بیراق اوزاق وقت دوامیده عالملر بو یادگارلیکلرنی اوقیب انیقله شگه موفق بولالمه دیلر. اون توقوزینچی عصرنینگ بیرینچی چاریکیده «سیبیرسکی ویستنیک» (سایبریا خبرلری) مجله سیده گریگوری سیپاسکی نینگ ینیسی یادگارلیکلری حقیده مقاله سی باسیلدی. بو مقاله لاتین تیلیگه ترجمه قیلیندی. یادگارلیکلر حقیده گی معلومات کوپ مملکتلرنینگ عالملریگه معلوم بولدی. لیکن تیکشیریش و یازونی اورگه نیش اقداملری ینه نتیجه بیرمه دی، چونکه یادگارلیکلرنینگ «رمزی» آچیلمه دی.

اَيريم عبارتلر معناسي

بغري تاش- بي مهر

باشي كوككه يېتدي( تېريسيگه سيغمه ي كېتماق)- بي حد سېوينماق

بورني كوته ریلگن- گه رديگن، كبرلنگن

گه دېسه قوليگه قونه دي- جوده اطاعتكار

اؤزبیک تیلی آلتای تیللر عایله سی نینگ تورکی تیللر تورکومیگه کیره دی.

اؤزبیک ادبی تیلی تاریخی قوییده گی دورلرنی اؤز ایچیگه آله دی:

میلاد دن آلدین گی دورلردن تا  10 نچی عصرلرگه چه بؤلگن دور. بو دور ده گی تیل فن ده قدیمگی تورکی تیل دیب یوریتیله دی. قدیم گی خلق آغزه کی ایجادی نمونه لری، اؤرخون-اِنه سای یادگار لیک لری(6-7 عصرلر) شو تیل ده یره تیل گن.

10-14 نچی عصرلرده عمل ده بؤلگن تیل اسکی تورکی تیل دیب اَتهله دی. محمود کاشغری نینگ "دیوان لغات التورک" ( تورک تیللری دیوانی)، یوسف خاص حاجب "قوتدغو بیلیگ" ( سعادت گه یوللاوچی بیلیم )، احمد یوگنهکی نینگ "هیبت الحقایق" ( حقیقت لر ارمغانی)، خوارزمی نینگ  "محبت نامه"، ربغوزی نینگ "قصه ربغوزی" اثرلری شو تیل ده یره تیلگن.

15 نچی عصردن 19 نچی عصرنینگ ایککینچی یریمیگه چه قؤللنگن تیل اسکی اؤزبیک ادبی تیلی دیب ناملنگن. عطایی، سککاکی، سیفی سرایی، لطفی، علیشیر نوایی، بابر، مشرب، توردی، مخمور، گلخانی، مقیمی، فورقت، ذوقی و باشقه کوپلب ایجادکار لرنینگ اثرلری شو تیلده یره تیلگن.

19 نچی عصر نینگ ایککینچی یریمیدن حاضر گی دور گه چه ایشلتیب کیله یاتگن تیلیمیز حاضر گی اؤزبیک ادبی تیلی دیب اَتهله دی. حاضر گی کونگه چه یره تیلگن برچه اثرلر حاضرگی اؤزبیک ادبی تیلی نینگ نمونه لری حساب لنه دی.

اسکی اؤزبیک تیل نینگ رواجی بویوک علیشیر نوایی نینگ نامی بیلن باغلیق دیر. او اسکی اؤزبیک تیل نینگ کِنگ امکانیت لریدن فایده لنگن حالده عجایب اثرلر یرهتیب گنه قالمسدن، بو تیلنی علمی جهت دن چوقور تدقیق قیلوچی "محکمه اللغتین" ناملی یریک علمی اثرهم یازدی و اونده اؤزبیک تیلی نینگ باشقه تیللردن هیچ کم ایمس لیگینی ایشانرلر مثالی بیلن اثبات لب بیردی.

جلال الدین رومی جهان ادبیاتی نینگ معظم سیمالریدن بیری. او اۉزیدن کېینگی شرق و غرب سۉز صنعتی گه کتته تاثیر اۉتکزدی. حافظ شیرازی، عبدالرحمن جامی، علیشیرنوایی، میرزاعبدالقادر بیدل کبی بویوک سۉز استاذلری مولانا نی اۉزلریگه استاذ دېب بیلیشگن.  بویوک (هی یوت)ابوالقاسم فردوسی، شیخ سعدی، خواجه حافظ لر قطاریده جلال الدین رومی ایجادینی هم« خضر چشمه سی» دېب اته­گن. مشهورلیکده فردوسی نینگ «شاهنامه » سی، سعدی نینگ « گلستانی»، حافظ نینگ «دېوانی» بیلن بیر قطارده تورگن، فارسی قرآن نامی بیلن شهرت قازانگن« مثنوی معنوی» نی انسان معنوی حیاتی نینگ قاموصی صفتیده نه فقط شرقده، بلکی غربده هم اخلاص بیلن اۉرگنیشگن.

امام ترمذی رحمه الله مسلمانلرننگ یوقاری رتبه لیک عالمی وحدیث فنی ده یازیلگن"سنن"ویا"جامع"نام لی اثرنی صاحبی دورلر،"کتب سته"ویا"صحاح سته"صاحب لرینی بری بولیب مشهوروبیوک محدثین لردن دورلر،وامام ترمذی رحمه الله ننگ تولیق اسمی أبوعیسی محمدبن عیسی بن سورة بن موسی بن ضحاک البوغی الترمذی بولیب وایکی یوزتوقیزینچی هجری یلی ننگ ذوالحجه آیی ده ترمذننگ بوغ دیگن برقشلاقیده توغولگنلر،امام ترمذی رحمه الله یاش لیک دن طلب علم گه چیقیب اولامنطقه ده گی عالم لردن علم اورگانیب سونگره طلب علم اوچون عراق،حجاز،خراسان،وبشقه برقنچه دیارلرگه سفرقیلدیلر،واوزی ننگ هم عصری بولگن امام لرمثل امام بخاری وامام مسلم وامام ابوداودبیلن کوب مرته لرملاقات قیلدیلر،مخصوصا امام بخاری رحمه الله دن کسب فیض قیلیب کوپراق تأثیرلنگن لر،وشوننگ ایسه بشقه کوب بیوک عالم لردن حدیث ایشیتیب روایت قیلگنلر،جمله دن محمد بن بشار بن بندار ،محمد بن المثني ، زياد بن يحيي الحساني ، عباس بن عبد العظيم العنبري ، أبو سعيد الأشح عبد الله بن سعيد الكندي ، عمرو بن على القلانسي ، يعقوب بن إبراهيم الدورقي ، محمد بن معمر القيسي ، ونصر بن علي الجهضمي سرفهرست دورلر،امام ترمذی رحمه الله ننگ لایق وفاضل برذات بولگنی اوچون برچه استاذلری حرمت قیلورایردی.

امام بخاری رحمه الله مسلمانلرننگ آلدیده حدیث عالم لرینی إینگ اهمی دن بولیب وقرآن کریم دن کیین"اصح الکتب"و"الجامع الصحیح" نام بیلن مشهوربولگن اثرنی ایگه سی دورلر،وامام بخاری ننگ تولیق اسمی أبوعبدالله محمدبن اسماعیل بن ابراهیم بن المغیرة الجعفی البخاری بولیب واهل علم اورتاسیده امام بخاری نام گه شهرت تاپگنلر.

إمام بخاری رحمه الله بیریوزتوقسان تورتینچی هجری یلی ننگ شوال آیی وجمعه کیچه سیده بخارا شهریده توغولگنلر،کیچیک لیکلریده آته لری"اسماعیل"وفات قیلیب آنه لرینی تربیتی گه اوتگنلر،وآنه لری عابده وزاهده بولگن برعیال ایدی که محمداوغلی نی یخشی لب تربیت قیلدی،وهمده امام بخاری کیچیک لیکده کوزدن معذوربولگن ایدیلرکه آنه لری دائماشفایاب لیگی اوچون دعاءقیلورایردی،انه شول ایدی که آنه لری حضرت ابراهیم خلیل الله نی خواب لریده کوریب بالنگ نی کوزی آچیلدی دیب بشارت خبرینی بیرگنلریدن کیین امام بخاری ننگ کوزی آچیلگن.

تولیق اسمی شریفلری محمد ابن محمد ابن محمد الماتریدی السمرقندی. ماترید سمرقند یقینیده گی قشلاقلردن بیری نینگ نامی. او حاضرده بوزیلگن شکلده متریت دیه اتله دی. اصلیده ایسه، منبعلرده ایتیلیشیچه، قشلاق نینگ نامی عربچه «ماترید؟» سوزیدن آلینگن. معناسی «نیمه دیماقچی سن؟» دیر. ایتیشلریچه، شیخ ابو منصور کلام علمیگه رجوع قیلگن پیتلریده شاگردلری کوپه یب کیتگن و اولر اوزارا بحث قیلگنلریده بیر بیرلریگه عرب تیلیده کوپینچه «ماترید؟» دیب مراجعت قیلگنلر. شوسوز کوپچیلیک قولاغیگه تیز-تیز چلینیبیرگچ، شیخ شاگردلرینی ماتریدیلر، قشلاق نامی نی ایسه ماترید دیب اته ی باشله گنلر.

ظهیرالدین محمد بابر و

اونینگ شاه اثری "بابر نامه"

ظهیرالدین محمد بابر اؤرته عصر شرق  مدنیتی، ادبیاتی و شعریتی ده  اؤزیگه خاص  اؤرین ایگل لگن ادیبشاعر، عالم  بؤلیش بیلن  بیرگه ییریک دولت  اربابی و سرکرده  هم دیر.  بابر دنیا قره شی  و  مکمل عقل- ذکاوتی  بیلن  هندوستانده بابریلر سلاله سیگه اساس سالیب، بو مملکت تاریخیده  دولت اربابی صفتیده  نامی قالگن بؤلسه،  سیرجلا اؤزبیک  تیلیده  یازیلگن "بابر نامه "اثری بیلن  جهان نینگ مشهور  تاریخ نویس عالم لری  قطاریدن  هم  جای آلدی

تورکلر

بیر زمانلر  قیلدی طغیان  کأینات،
تاکه بؤلسه کأیناتده  بیر جانذات.

یاندی آقتی  برچه عالم   گووه لب ،
کوتریلدی  توپراق  یردن هو وه لب.

عالم  ایچره   بؤلدی  توفان  تینمین،
بوتوفاننی  توخته شی  بؤلدی قیئین.

بؤلدی  تؤزان  تؤلدی  توتوندن  جهان،
اوردی  تؤلقین،باستی ،کیتی  آلتی یان.

اۉچمس ایزلر: تأریخدن معلوم بۉلیشیچه، افغانستان- تورکی خلقلرنینگ قدیمی و تأریخی وطنی حسابلَنه‌دی. افغانستان دېگن سیاسی- جغرافی حدود اۉرته گه کېلمسدن آلدین بو یورتده، تورکی سلاله‌لر اوزون ییللر بیرین- کېتین حُکم سوریب کېلگنلر. میلاددن آلدین هونلر، کوشانیلر و اوندن کېیین یفتلیلر (هفتالیتلر) سلطنت قوریب، بویوک مدنیت یره‌تیب، اۉزلریدن اۉچمس ایز قالدیریشگن. شونینگدېک، رتبیل شاهلر، کابل شاهلر، قرلوق شاهلر، قاره خانیلر، غزنویلر، سلجوقیلر، موغول‌لر، تیموریلر، بابر و اۉنینگ اولاده‌لری، شایبانیلر، افشاریلر، اشتر خانیلر و نهایت جنوبی تورکستان اۉزبیک خانلیکلری (خلم خانلیگی، بلخ خانلیگی، آقچه خانلیگی، سرپل خانلیگی، شبرغان خانلیگی، اندخوی خانلیگی، میمنه خانلیگی) سیاسی سلاله‌لر صفتیده حکمرانلیک قیلیب کېلدیلر.

تورکچه، تورکی،…چغتای تیلی، اېسکی اۉزبېکچه،… اۉزبېکچه، اۉزبېک تیلی، اۉزبېکی،… سۉزلر و اتمه لرحقیده

اۉزبېک (تورک) لکسیکولوژی سیده تیل تۉغری سیده تورلی اتمه لر و لکسیمه لر قۉللـه نیلیب کېلگن و کېلماقده. بو مسأله ده گی خیلمه-خیللیک شونچه که اۉز-اۉزیدن اۉرته گه کېلمه ی، بلکه اونینگ تورلی تاریخی، اجتماعی، فرهنگی و ادبی عینی و حقیقی عامللر و سببلری بار. زمان چۉزیغی، جانلی تیللر (اولر بیلن ادبی تیل هم) نینگ اۉزگریشی و رواجلنیشی، سۉز خزینه سینینگ دایمی اۉزگروچنلیگی، بشقه تیللر بیلن مناسبتده بۉلگنلیگی، تیلچیلیک ساحه سیده گی قۉلگه کیریتیلگن یوتوقلر نیگیزیده اونینگ لکسیک قاعده لری و خزینه سینی ترتیب-قاعده گه سالیش، تازه لش، ینگیلش و … لر کبی نرسه لر اساسی سببلردن سنه له دی.