یاد اېتای سلطان حسین بیرله نوایی دورینی
هم "فضولی" و "نمنگانی" سخندان تورکلر
سیندیریب "محمود" قنچه "سومنات" نی بت لرین
تاپدی "تیمور" دوریده هم عزت و شان تورکلر
"ترک عثمانی" بویوک بیر امپراطور لیک اېدی
هم "عرب" بیرله "عجم" گه اېردی خاقان تورکلر
نی اوچون مونداغ بوزولدی تورکلر شیرازه سی
قرشی لر قۉل سالدی، بۉلدی تیت و پاشان تورکلر
یېریوزه کۉزگه کۉریلمس بیر گینه ترک اولکه سی
ایکی یوز ییلدن بېری بۉلدی پریشان تورکلر
غیرت و ننگی آزایدی، سیندی عزم همتی
هر یېره بۉلدی بری گریان و نالان تورکلر
باش کوترمی ترمولوبان، بۉلدیمیز محتاج غیر
کۉزگه یاش و لبگه حسرت، دلگه ارمان تورکلر
بیخبر لیک اویقوسیدن، باش کوترسین قیز اوغول
قرشی لرنی ظلمیدن ، بغری توله قان تورکلر
بیر ورق آچیب اۉقویلیگ زرنشان تاریخیمیز
قنچه خدمت لرنی اسلام گه بجرگان تورکلر
هم بوگون افغانستان ده، جبهه لر قورگن بری
روس لر توغری سیده، کورش قیلرمان تورکلر
رود آمو یانیده، سکّیز ولایت قهرمان
برچه سی اَیلر اوروش بر حکم قرآن تورکلر
حق اوچون بیرلیک کېرک دور، چین یورک دن بیزلره
تا تیریلسه قیته باشدن، ناملی اویغان تورکلر
باریچه "طالع" اورون فرهنگ تیرگیزماق اوچون
بۉلسه اېرکین، علم و فن گه سورسه دوران تورکلر
سید یعقوب فاروق "طالع"
:: اۉخشش موضوعلر:
ادبیات ,
تیل-لغت ,
شعرلر تۉپلمی ,
,
:: باغله نیش لر:
تورک ,
یعقوب ,
فاروق ,
طالع ,
:: اوشبو مطلبنی کۉریش : 187
|
بها قوییش : 5
|
بها قویگن کیشیلر سانی : 1
|
برچه بهالر : 1
);
background-repeat:no-repeat; background-position: center top">
بیزگه قوشیلینگ
قوشیلیش
مطلبلر ستاتیکی
تشریف بویورگنلر ستاتیکی
