اون سکّیز یاش حیرتلری

اون سکّیز مینگ عالم آشوبی اگر باشیمده دور

نی عجب، چون سرونازیم اون سکّیز یاشنده دور

دیسه بولغی کیم، ینه هم او سکّیز ییل حسنی بار

اون سکّیز یاشینه مونچه فتنه کیم باشینده دور

اون سکّیز ییل دیمه، یوز سکسان یول اولسه، اولدورور

حسن شاهی، اول بلالر کیم، کوز و قاشینده دور

حیرت ایتمن حسنی نقشیده کی، هر حیرت کی، بار

برچه سی ایزد تعالی صنعی نقاشینده دور

تن انگه سیم و ایچینه تاش موزمر کونگلیدین

عقلگه یوز حیرت، اول آی نینگ ایچ و تاشینه دور

می کیتور، ای موغکی، یوز حیرت ارآ قالمیش مسیح

بول عجبلرکیم، بو ایسکی دیر خفاشینده دور

تا نوایی توکتی اول آی فرقتی دین بحر اشک

هر قچان باقسنگ، قویاش عکسی انینگ یاشینده دور