بیراو کیم بو دریا ده غواص ایدی
منگه نکته دُر مثل لیک دیدی
که دریا ده بار ایردی فوجی بالیق
سو تاپماق اوچون دایم اندیشه لیق
نی ینگلیغ ایکن طمع و رنگی اونینگ؟
قایو نوع، سیر و درنگی اونینگ؟
درم لر بولیب تنلری اوزرا داغ
سودین هیچ تاپمس لر ایردی سراغ
دیدی بیر بالیق اول تب و تاب ارا
دیدیلر فلان تند گرداب ارا
نهنگی دورور سالخورد و کهن
بو دریا ده سیر ایله گن اوچ و بن
کیرک کیم سودی اول نشان انگله گی
بو بس طرفه راز نهان انگله گی
اونینگ ساری عزم ایتدیلر تورمایین
سونینگ آرزو سینده دم اورمایین
قیلیب سعی اول کام نایاب غه
یتیشتی لر او تند گرداب غه
نی گرداب کیم چرخ گردنده دیک
نی ایگریم، سپهر نوردنده دیک
سونینگ دوره سیده ییتیشغاچ باری
توشوب دوره دین هر بیری بیر ساری
بالیق لرنی بوتراتدی گرداب بیم
اونینگ دیک کی تال یاپراغینی نسیم
بو حالتده چایقالدی دریای ژرف
پدیدار بولدی نهنگ شگرف
بالیق لرگه توشگنده درد و فراق
کی بیر بیردین اولمیش ایدیلار یراق
بارین توتدی بیر بیر نهنگ فنا
ایچین جوفیده جمع قیلدی یانا
اولر برچه سودین چو ایریلدیلر
بورون سوده ایرکنلرین بیلدیلر
ندامت چیغارسا فلک اوزره دود
چو معده اوتی محرق ایردی نی سود؟
بولوردین بورون بیر بیریدین بحل
بولوب ایردیلر برچه سی مضمحل
علیشېر نوایی
:: اۉخشش موضوعلر:
ادبیات ,
تیل-لغت ,
شعرلر تۉپلمی ,
,
:: باغله نیش لر:
بلیق ,
اېرتک ,
نوایی ,
علیشېر ,
:: اوشبو مطلبنی کۉریش : 149
|
بها قوییش : 5
|
بها قویگن کیشیلر سانی : 1
|
برچه بهالر : 1
);
background-repeat:no-repeat; background-position: center top">
بیزگه قوشیلینگ
قوشیلیش
مطلبلر ستاتیکی
تشریف بویورگنلر ستاتیکی
